منتدى زمرده

موضه جمال شهره كرتون
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 حوار مع سيتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
esoooo
عضو رويال
عضو رويال
avatar

عدد الرسائل : 569
العمر : 23
تاريخ التسجيل : 01/06/2008

مُساهمةموضوع: حوار مع سيتى   الأحد يونيو 08, 2008 6:02 pm

لله أكبر الله أكبر


..أذان الظهر..


يا رب.. يا رب بحق ده الآذان تنجح يا نوني يا بن ابني وأشوفك دكتور أد الدنيا
يا سيتي بس أنا في تجارة
وماله يا بني هو يكتر على ربنا...... ده ربنا قادر على كل شيئ


يا سيتي ونعم بالله بس اللي بيطلع دكتور لازم يكون في كلية الطب مش
التجارة
ياللا تجارة تجارة ..ومالها التجارة ..دي حتى التجارة شطارة.. ده الله يرحمه جدك كان تاجر
في الوكالة أد الدنيا
يا سيتي التجارة اللي في الوكالة حاجة واللي في الكلية حاجة تانية


ع العموم شد حيلك أنته وأنا أخلى جدك يخدك معاه الوكالة عشان تتدردح
وتتودك فى السوق
جدي إيه اللي هايخدنى معاه .....ده جدى مات من زمان يا سيتي
يا مصيبتي عبد الواحد مات ..يا حبيبي يا أخويا..مكنش يومك يا سبعي


يا سيتي ده ميت من تلتين سنة
تلتين سنة ..ده العمر بيجري يا ولاد تصدق ولا حسيت بيهم
ياللا أهو غار في داهية ....قطع وقطعت سيرته..ده كان بخل الدنيا فيه
اللي ما عمرهدخل عليه ببطيخة ولا كيس جوافة


يا سيتي حرااام عليكي عايز أذاكر بقى
يوه..وأنا ماسكاك يا وله ..ذاكر ...ذاكرعشان ربنا يكرمك وتنجح وتاخد الدبلون
يا سيتي دبلون إيه..أسمه البكالوريوس
أنته هتضحك عليه يا وله ..أسمه الدبلون
الواد ابن فايزة جدع زيك كده
فى مدرسة التجارة وخد الدبلون


خلاص دبلوم دبلوم يا سيتي ..سيبينى بقى عشان أذاكر
ذاكر يا أخويا ذاكر
تعرف يا واد ..ندرن عليا يوم ما تنجحلأكون رايحة خاطبالك عبير بنت رئيسة
دي إيه يا واد.. أدب وأخلاق..وعلام كمان
يا سيتي عبير دي معاها أعدادية


وماله يا بني ...الراجل ما يعبهوش إلا جيبه
راجل ...راجل مين يا سيتي...عبير دي بنت
عبير مين يا وله..أنته بتعرف بنات من ورانا
لا إله إلا الله....أبوس رجلك يا سيتي أرحميني بقه


طب ذاكر....ذاكر جتك نيله وأنته طالع براوى كده زى أمك
قطعت وقطعت سيرتها ...أنا مش عارفه أبوك كان أجوزها على إيه
حكم قال لبس البوصة تبقى عروسة..بس والنبي ومن نبى النبي نبي لكون مبوظة الخطوبة دي
ومجوزاه أنيسة بنت أختي


يا سيتي خطوبة إيه..أبويا مجوز أمي من خمسة وعشرين سنة
وبعدين أنيسة دي بنت أخوكي مش بنت أختك ..وأساسا إنتي ملكيش إخوات بنات


صحيح يا وله ..أنته عندك حق أنا مليش إخوات بنات..أصلى أنا أمي
ما كنتش بتخلف صبيان


حراااااااااااااااااااااااااااااااااام ............سيتي ما تطلعي البلكونة شوية ...
دا الهوا حلو بره


لأ يا خويا....فى جدع كده حليوه وشعره مسبسب في البلكونة اللي في
الوش بيقعد يعاكسني


خلاص روحي المطبخ ...أهو زمان أمي خلصت الرز
رز...رز إيه يا بنى....هو أنا ليه سنان للرز
أنا هطلع البلكونة أحسن


طب أبقي خلي بالك م الهوا يا سيتي
هوا لما يلطشك


الحمد لله أخيرا خرجت وقدرت أذاكر .. رحت الأمتحان تانى
يوم وربنا كرمني وحليت كويس لكن للأسف المراقب سحب مني الورقة قبل
ما أكتب أهم حاجة فيها

ياترى أنا كان إسمي إيه؟؟ ياترى كان إسمي إيه؟؟



ارجو ان تنال اعجابكم
ههههههههههههههههههههههههههههههههه

_________________
esoooo
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رودى عزت
الاداره
الاداره
avatar

عدد الرسائل : 532
العمر : 22
تاريخ التسجيل : 31/05/2008

مُساهمةموضوع: رد: حوار مع سيتى   الأحد يونيو 08, 2008 11:38 pm

ميرسى يا اسسو على الموضوع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esoooo
عضو رويال
عضو رويال
avatar

عدد الرسائل : 569
العمر : 23
تاريخ التسجيل : 01/06/2008

مُساهمةموضوع: رد: حوار مع سيتى   الإثنين يونيو 09, 2008 1:41 am

شكرا ياقلبى

_________________
esoooo
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سالم
عضو ذهبى
عضو ذهبى
avatar

عدد الرسائل : 181
العمر : 28
تاريخ التسجيل : 04/06/2008

مُساهمةموضوع: رد: حوار مع سيتى   الثلاثاء يونيو 10, 2008 5:24 am

موضوع امد اووووووووي انا ممكن اطلع دكتور من كليه التجاره لو سيتي كانت عايش كنت اخليها تدعيلي وتدعيلك يااحلي اسوو بس انا اللي هادعيليكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esoooo
عضو رويال
عضو رويال
avatar

عدد الرسائل : 569
العمر : 23
تاريخ التسجيل : 01/06/2008

مُساهمةموضوع: رد: حوار مع سيتى   الثلاثاء يونيو 10, 2008 6:31 am

ايوه يامحمد ادعيلى انى اتفوق

_________________
esoooo
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار مع سيتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى زمرده  :: منتدى المرح :: منتدى النكت والفوازير-
انتقل الى: