مربى الفراوله
اول شي انا استعملت كيلو ونص فراوله مغسوله وكل حبه مقطعه من النص..حطيتهم في طنجره stainless مو تيفال احسن كتير..
الخطوه التانيه : لكل كيلو فراوله بنحط كيلو سكر . .. وبما اني استعملت كيلو ونص فراوله حطيت كيلو ونص سكر..
خليهم يعني السكر والفراوله بالطنجره لفتره انا حطيتهم بالليل وتاني يوم الصبح بديت اعمل المربى :
بعد فتره بيصيروا بهالشكل :
هلأ صار لازم نحطهم على النار .. اول شي نار عاليه واول ما بيبدا يغلى بنخفف النار كتييير على الاخر ..
بعد هيك بيصير يطلع منه رغوه متل الصابون لونها زهري بارد ..لاااااازم تشيلوها كلها بمغرفه وبنضل نحرك كل شوي وبنشيل الرغوه على ما تخلص( ... يعني الرغوه )..
تقريبا بعد ساعه - ساعه وربع من التحريك المستمر كل خمس دقايق بيكون صار جاهز تقيل وسميك ..بهالشكل :
بيكون صار مربى فراوله جاهز وممكن تتأكدي انه منيح اذا اخدتي منه شوي وحطيتيه بصحن وتركتيه يبرد عشان تشوفي اذا مناسب ... متل هيك :
أكيد صار جاهز للأكل بعد ما يبرد .. حطي الكميه بمرطبان نضيف ما في اي نقطة ماي وسكريه منيح كتير وممكن تحتفظي فيه برا الثلاجه او بالثلاجه براحتك :