الفرق بين الحب والاعجاب؟؟؟؟

كثيرما بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضحله بعد كده ان ده كان مجرد اعجاب
او حصل انه اعجب بشخص اوى وكانت مجرد فتره فى حياته
وسابه واتضحله بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب
الاعجاب
هو لما تنجذب او تعجب بصفات معينه فى شخص تعرفه وبتتعامل معاه او حتى بتشوفه من بعيد
ممكن تعجبك طريقه كلامه او طريقه تفكيره او خفه دمه او نظرته لمستقبله او لشخصيته الممتازه وبالتالى بتشوف الكثير من مميزاته فبيحصل انك شعور قوى بالاعجاب بيه لدرجه ممكن تخليك تخلط بين هذا الاعجاب وبين الحب
ولكن اللى لازم نعرفه ان الاعجاب ده يجب ان يكون مرحله من مراحل الحب الحقيقى
والاعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى مكانها
الحب الحقيقى
اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبناو بتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه
اولا الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى
ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى
ثالثا بدايه الحب
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزه يبقى معاك على طول
وهتلاقى فى الفتره دى بتحاول تخلط المواقف اللى تجمعكوا ببعض وتلاقيك بتستنى حتى الصدف اللى تجمعكوا
يعنى عاده فتره بدايه الحب بتبقى قمه فى الرومانسيه وبعيده عن الواقع ومشاكله وعيوبه
الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل فى المرحله لحظات فرح كتيير ولكن هتظهر لحظات الزعل من الشخص اللى معاك لما تحط ايدك بجد على عيوبه لكن طبعا هتحاول من جواك انك تعديهاو اكيد هيحصل بينكوا خناقات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب اللى قدامه ويقدر انه يمتصها ويخليها تبقى مجرد لحظات وتعدى وكانها لم توجد هو اللى هيقدر يحافظ على حبه
ولو الواحد قدر يمر بالمراحل دى فى حبه ان شاء الله الحب ده حب حقيقى ميه فى الميه
وعلى فكره ممكن انك تلاقى الحب الحقيقى فى حياتك وممكن متصادفهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل
يااااااااااااااااااااااااااااااااارب كل واحد فينا يلاقى الحب الحقيقى.

م ن ق و ل

طب يا رورو انا عايزة اعرف حاجة ساعات الاقى اتنين بيحبوا بعض وممكن هى تقوله عيوبه او العكس وفى ناس بيقولوا ان الحب بيخلى الاتنين مش شايفين اى حاجة وحشة فى بعض قوليلى عشان مجربتش قبل كده ومش عايزة اجرب الصراحة

بصى يا قلبى طالما اتنين بيحبوا بعض ممكن يلاقوا بعض العيوب اللى ممكن يتغاضوا عنها
بس لو العيوب دى مش قدرين ينسوها زى الغيره المفرطه مثلا ممكن يتقلب الحب ده لحاجه تانيه
وفى عيوب بامكانك انك تغيريها فى اللى بتحبيه
بس فى الاول والاخر لو حاولتى تغيرى اللى بتحبيه فاعرفى انك محبتهوش

كلامك صح جدا خصوصا لو انتى غيرت حبيبك يبقى انتى مش بتحبيه عموما الكتير اوى اليومين دول مش بيفرقوا بين الحب والاعجاب علشان هما مش عارفين معنى الحب الحقيقى

ميرسى يا روشة ويا اسو واصلا مبقاش فيه حب حقيقى واللى بيحب لازم يتجرح

العفو يا هنونه وشكرا لمرورك

شكا يا قلبى

ميرسى يا مايلى وشكرا لمرورك