محضر للتعهد على {ناموسة} بعدم الزن مرة اخرى.......بعد نص الليل

فُتح المحضر بتاريخ 18/3/2007
الساعة :لحظة بعد نص الليل
بقسم:ملجأ مزيكا توداى فى خدمة الشعب

بمعرفة الحارس الأمين /بواب الملجأ

وقد أثبت الآتي

حيث حضر الآن الأستاذ المبجل /مزيكاوى هادى يرغب فى النوم ، وقد أبلغ برغبته فى النوم مبكراً حتى يستيقظ مبكراً ليباشر ويكمل مسيرة عمله فى هذا الملجأ العظيم.
وقُدر بقيام ناموسة طائشة بتهديد نومه عن طريق الزن فى الودان .
ولذلك قد طلب تحرير محضر ضدها وأخذ التعهد اللازم عليها بعدم القيام بذلك مرة اخرى........
وفى وجوده سألناه شفاهة بالآتى:

س: مااسمك ؟ واين تسكن؟
ج: اسمى / مزيكاوى مخلص وهادى ، واقطن فى بيت المصريين .....ملجأ مزيكا توداى ......ولسه عيل مطلعتش بطاقة ضمان استقرار فيه.

س: ماتفصيلات بلاغك؟
ج: فيه ناموسة غلسة بتزن ومش مخليانى أنام ، وبطلب انك تقيم عليها الحد .......وتاخد تعهد عليها بعدم الزن مرة اخرى.

س: متى وأين حدث ذلك؟
ج: من ساعة مادخلت انام ولغاية دلوقتى على السرير بتاعى ، فى جناحى الخاص فى هذا الشرخ العظيم -ملجأ مزيكاتوداى-

س: هل من شاهد على ذلك؟
ج: ياريس صوتها مسمووووووووووووووووووووووووووووع للكل.

س: وما قصدك من بلاغك؟
ج: قصدى اخد التعهد اللازم عليها عشان ماتعملش كدة تانى ومتزنش فى ودانى.

س: وهل بينك وبين الناموسة سابق معرفة او خلافات او ثمة علاقات سابقة؟
ج: لأ ولا اعرفها ولا طايقها وفى نفس ذات الوقت مش عايز اشوفها.

س: اسم وعنوان الناموسة المشتكى منها؟
ج: اسمها ناموسة بنت ناموسة ، وهى لابدة دايماااااااااااااااااااااااااااااا عند سريري تبع جناحى الخاص .

س:هل لديك اقوال اخرى؟
ج:لا

دونت اقوال المجنى عليه ومع توقيع منه

وقفل المحضر على ذلك بتاريخ 18/3/2007
ويظل الوضع كما هو عليه حتى استدعاء وسؤال الناموسة بما نُسب اليها من تهم واختراق للقوانين الإنسانية.

ارجو انها تعجبكم.

ميرسى يا سوسو وربنا يكفينا شر الناموس

انا بكره الناموس وبخاف منه
مشكوره يا اسوو على الموضوع

اعمليلوا محضر يا اش اش